Imus rebok

Lolo acu

one pisa manga kesa ata mai ce'e Jakarta, bae kaut ata melet ngo one kota mese do keta lelo, one nai kaut's na'ad, do keta reis wale kaut's laku. kolepesiar ngo la'at ase ka'e wa ragunan lonto inung kopi le mbaru, reme di'an  tombo, rodo lolo kaut acu pe'ang salang.

mai tae'd kesa hitu : " Camas lolo'd acu situ e.... agu acu one, toe manga logat jakarta'd"

????"""????""!!!!!!

Weli Nuru

Hitu di reme wa'u one mai oto olo mai toko le ruteng, am sua pa di lako, nggerep one ata pika nuru mata, kali lelo kig aku lata pika nuru hitu (ai ranga daku pe reba keta, cai pake baju weru agu sendal bata)

"mai kraeng weli nuru dite so'o kaut" kamping laku hia't  pika nuru hitu ai aku kole kudut weli nuru.

"pisa ce kilo"

"pande suamplima kaut's" agu poro olo kin liha nuru hitu.

mai taen sambil poro nuru hitu,

"ole... kraeng,  ho'o keta di ita ranga, ngo nia slama ho'o", bingung kaku, ai toe bae laku hia, landing kudu lewen tombo ya... wale molor daku.

"o..... kraeng ngo mbeot no'o wa salen, co'o ai bae aku lite..a"

"toe kali ta... kraeng ata reis bon"

"ringi-rangas'me cala't bae bo ga !!!!!!!!!!!!!!!!!!!!!!!!"

Ponggal acu.

(nuk almarhum Ignas)

Du hitu aku agu hi Ignas ngo lejong agu toko le mbaru'd ka'e Alex. (Do piara acu le hia sehingga eme manga meka ata mai kawe mbaru diha reis kaut one tukang ojek  pasti nggo'o wale dise "o...............pak Alex anjing"  maksudnya pak Alex yang punya anjing)

Biasa tombo-tombo le mane sambil inung kopi.

"Ole Ignas, ponggal acu meu to'ong wie ta, do bail'd  acu so'o pe'angge!" tae'd ka'e Alex,

"Ole...... om, rantang keta kaku ponggal acu jakarta e..."

"ai co'o tara nggitu'n ta" reis de ka'e Alex agu werus rongko'n.

"bo'm acu one, ai koing kaut's mai's ga, acu jakarta tong am hitu reme cau sembore dite, buka ragam dise ga"

"ole... Ignas"

 le'ok taung kami

"nggo'o kaut tae ta.. toe nganceng ponggal acu kaku"

Manuk lalong

Co'o leng le momang nara, kudut mbele manuk landing toe kong ga, ai ho'o kudut lako ngger sale jakarta. Le momang weta kole ga,boto kecewa's ngasang nggo'o com ba kaut manuk hitu ga cai lalong mese ata laseng taji'n lise,eme mbele pasti do nuru'n (na'a..... keta wa pate keot ritak), ba hae...........ng keta sale jakarta.

sampe ce minggu liwing terus manuk hitu. momang laing kole'y ngasang ledo kudu elor kin kawe hang le run. sina mai mbaru hitu manga kole tetangga ata piara manuk, landing dise manuk  "gaul", toe langkas'n agu reme koen.

hitu di pesot lelo situasi pe'ang mai kena manuk lalong dami, maid' manuk koe hitu sina mai ya, jeker, siap kudut rani. da'et lalong mese dami, toe wuli. (ngo'o tae dami, de..... lagak de manuk koe hio ya, elo...n keta to'ong)

tekar manuk koe hitu kudut nanang cecar lalis de manuk lalong dami landing toe haeng, ai langkas, eta bail, landing.. pu'ung mesot musi-musi lalong dami. woko mesot lalong mese hitu, mai manuk koe hitu tenggok wa'in poli hitu lelo ranga 'ole...... eok de manuk lalong dami ya, a..gu losin. dolong terus le manuk koe hitu sampe one lengat tembok. toe kong wuli'n nitu ga. mai manuk koe hitu cecar terus iko'n, eok terus manuk i.

Ngo kaku pea'ngn sik manuk koe hitu.

"ole.... manuk bapa, cekelaing manuk beo, com mbeleg manuk ho'o ga"

Awo mai mbaru manga uma, tana data mai kami weri tete daeng. Poli mbele'n laku manuk hitu, lego, na'a wa pu'u daeng situ, aku emi haju agu manga balok koe ata do keta's nitu. wa'n siram minyak tana, kacik pemantik, ganggor dila api. sompo laku manuk hitu mendo keta'y, na'a one api. nggitu kaut hena dila api manuk hitu, tekar, wuli, wencok, wendat, wedak, wentang we....we..    wecak taung haju ata dila ki'd, aku kole tekar cama neho manuk hitu, cama-cama rantang api. losi manuk hitu wa... pu'u daeng laun dila kin api one lebe'n agu titik kin dara'n one mai bokak'n. dolong daku ho'ot nggo'o a !, tepo taung daeng rantang daku am toe kaut haeng  laku to'ong. ka'eng kin one pu'u muku manuk hitu ga, am mael gi. emi kaut haju daku, mbaut, tep,tep,tep, mborek muing ulu'n, leng keta cempeng ga. Nai koe'n kesep hang nuru manuk. 

nggitu kaut ga ai kudu hang nuru kami ga, 

NEHO WETER

 ca sua teti nai daku, leng keta mael agu kolang leso, untung manga mbau haju leleng nitu, aku iling one mbau haju hitu. bo kete masa wae landing toe manga ngalor ko ngali ko libo. bo manga anang koe ata reme gega, lading reis laku toe wale'd, bo manga ise inang agu amang landing nehot manga perlu'd le, manga perlu' lau, toe lelo aku. reme keta bingung lelo ise gaku, rodo ngorong kaut oto olo mai aku, "grogol.... grogol..." ciekd de konjak. itu po sadar kaku kali toe one beo daku bo ho'o ga.