Ta'ang Nggepit

Eme pu'ung lando woja one sawa, pu'ung nitu main kole de lawo pesiar one petak sambil kerep pu'u woja, ngong-ngong pande aras kole's one pematang. Hi ka'e Winus  ata seber keta ngo ta'ang nggepit wa sawa, mane ca hi Pet (ata kesa laing, ise so'o donde keta gega lema'd)  ta'ang kole nggepit'n wa sawa dami,

Mai tae di Winus : "ta'ang apa'd kole no'o dehau nggepit situ ta.." ,

"ma'u e! ai lawo dedek dehau  so'o, ai hau'p ema'd lawo so'o ye" nggitu wale di Pet sambil lelo pate lawo.

Pas le gula cama kole's cai'd wa sawa la'at nggepit, di Winus hena lawo lempa/lawo mese, lelo di Pet hena  ngaing ular mese, landing perhati li Pet one sekitar nggepit ata hena ular hitu, "ba'ang keta e.. ular ho'o toe wuli du hena'n bao, pasti woja baling nggepit ho'o tepo taung, co'ot toe keta manga tepo ca pu'un woja so'o" nggitu nggut one nai'n

"Oe...ee..Winus!"ciek di Pet, "cala campe lawo daku hau ta..."

"Bo hau laku tong ta..peke le lawo ho'o kim sili'n, neka mangkong sebarang keta..." wale di winus agu lako kamping awo sekang.
Kaling.....olong hi Winus cai bao, ita liha nggepit di Pet hena keta lawo lempa, mai hia tukar agu ular ata hena one nggepit diha, poli hitu tepeng one puar sensus sambil gereng cai hi Pet. Woko ita liha hi Pet reme la'at ca ca nggepit, itu po tua hia du salang eta mai...