Eme ngo le beo ko kole lau asrama ami pasti rokot ci'e. Toe kole te ba le mbaru ko ba lau asrama ci'e ho'o, pokonya manga kaut! Lage jembatan Tengkutok manga uma rana salang besili, bae kaut eme ngasang uma rana, do keta weri one uma hitu le ata ngaran, manga : woja, sela, pesi, latung, tete daeng, tago agu ndesi. Ca keta ata nanang dami one uma hitu. timung !!
Eme lako agu ata do, ami hejol keta, ngo-ngong sengaja keta ka'eng neho pale laud koe taung lawa do situ. Cai one lupi uma rana hitu, lelo le.. lelo lau.. toe manga ata liba, pesot one pu'u sensus sili'n agu manga muing pate ata laseng lako d'ami, nggokok hitu sili'n sambil tuluk pu'u timung, pua, na'a one bombol, ita, pua kole na'a one bombol, co'o haid keta uma de ru, suit le konco lau mai, ngong nggo'o emo ga.
Cai eta golo To'e, lonto paka di'a, ka'ur timung one mai bombol, gugum ci'e one lime leo, Le Ngasang De Ema agu De Anak agu De Nai Nggluk, Amen. Cau timung detak one ci'e, wincang, wincang, wincang kole taung timung ca mongko, becur tuka le hang timung, timung tako.
Rapak sabtu kole, cai konco ata ca nai keta, ca nai cama tako. Pas kole ba srigen du hitu ata weli weru lau toko di baba Staik. Ci'e toe hemong. Cai le uma timung (uma hiop bo e) lako one langang sili'n ai sale main puar kin toe manga uma laing'n. sopan keta lako, pesot, toe ngaok hitu sili'n, toe manga ita timung, sili-sili. "Ngo nia meu e" neho weter!! rodo ciek kaut ata Tu'a ema musi mai, selek kope, gipi muwang, rigit wulu wa'i, ngeo pa'a, mese tu'us, birok tuka'n. Wale agu jejer wa'i daku ai neho weter agu rantang.
"Ngo...ngo wa ho'o ba srigen so'o".
"Cala kudu tako timung meu e..".
"Toe o... ite, ai manga leng timung no'o a.." pisik reis kole
"Eng nge, manga! landing pu'ud kanang kali ga, tako lata taung wua'd".
"Ole.... kurang ajar tu'ung ata situ e.. amang, asa! terus di kami a !!" toe wale'n kraeng hitu lako ngger awo kole'y. Terus kami sili'n ai ritak agu rantang kudu't kole eta salang mese. Cai sili lupi uma hitu, bingung...? toe manga salang....., nekat! keda puar sensus ata do keta's, rembeb... karak hitu wa'n, cai wa, tente kole one watu riti... pasar one nai kaut, rengit ranga.... pasur wa'i......... hamar riti...., untung toe reca. Pas conga nggrete..
"ole.... kali ngampang keta bo ho'o eta mai e... " toe wale le konco, ngetuk kaut.
"asi tako timung leso ho'o e.. am leso toe di'a, sabtu musi kauddi, neho pale ina reu.
Toe leli..................
