Powered By Blogger

26 Februari, 2010

Tombo joak di ema Yosep

Rakang Ende deLulu.

Danong....keta (mede) ine wai agu ata rona toe di bae ngasang pake deko alas (termasuk ata tulis ho'o. hehee..). Ata rona donde pake deko banlon, ine wai deng kaut nae.  Hi Kajung (ende deLulu bentan ho'o ga ai hi Lulu anak ata ngaso'n) ngonde ngo sekolah, mai guru jera hi Yosep (Ema daku) agu manga ca haen hemong laku ngasang'n ga ngo kawe hi Kajung sampe regeng agu dade one sekolah. Kawe one mbaru toe manga terus ngo wa uma dise Kajung, reme keta di'a toko'n hi Kajung one sekang mai ise cua pengkut, bo wuli di Kajung landing cewe tenaga dise't cua. Pongo lise limen agu wa'in, nggaruk haju pering, rakang. hi Yosep musi main, lako coneng wa, ole....kengkel wa kemok taung nae di Kajung, ici nae di Kajung neho ata nginging hia, bo di pisa pa silin ta'ong liha, remon wa ga pencar liha, neho weter hiat olo mai. "ata co'o e.. Osep",  "ae.. mendo bail ne, asi dade'n ga nggo'o kaut tae tong toe regeng".
Neho diang jera ngo kawe kole le guru.


 Ela kina


"Ole.... ite, neka rabo com pesot kig aku toe ta'ong dendut" pamit di Wonsus ai srehang tana ga. Hi ema Yosep bao'g one wongka toe baen lemot ko co'oy ga. Aku kole hirus nggoleng wa loce. Toe di haeng pisa menit wa, denge lami sebek runing pe'ang tana terus uek ela. Mai tae di lopo Yosep (kaling toe di toko'y) : "Wonsus...... toe ela kina hitu e!!!", wale molor kaut di Wonsus pe'ang mai tana, "Ma'u popo.. ela kina",  "leti'p le hau'gta"  aor muing kami ca mbaru, to'o kole ata ngaing toko'n